July 26, 2023
July 26, 2023
ന്യൂസ്‌റൂം ബ്യുറോ
ഖമീസ് മുശൈത്ത് : പരിശീലന ദൗത്യത്തിനിടെ സൗദി അറേബ്യൻ യുദ്ധവിമാനമായ എഫ്-15എസ്എ തകർന്നുവീണ് വിമാനത്തിലുണ്ടായിരുന്ന മുഴുവൻ സൈനികരും കൊല്ലപ്പെട്ടതായി പ്രതിരോധ മന്ത്രാലയത്തിന്റെ ഔദ്യോഗിക വക്താവ് ബ്രിഗേഡിയർ ജനറൽ തുർക്കി അൽ-മാലികിയെ ഉദ്ധരിച്ച് സൗദി പ്രസ് ഏജൻസി (എസ്പിഎ) റിപ്പോർട്ട് ചെയ്തു.അപകടത്തിൽ വിമാനത്തിലുണ്ടായിരുന്ന രണ്ടു സൈനികരും മരിച്ചതായാണ് വിവരം.
റിയാദിന് തെക്ക് പടിഞ്ഞാറ് 800 കിലോമീറ്റർ അകലെ ഖമീസ് മുഷൈത്തിലെ കിംഗ് ഖാലിദ് എയർബേസിന് സമീപമാണ് അപകടമുണ്ടായത്.സർക്കാർ വാർത്താ ഏജൻസിയായ SPA നടത്തിയ ഔദ്യോഗിക പ്രഖ്യാപനത്തിൽ അപകടത്തിൽ മരിച്ചവരുടെ എണ്ണം വ്യക്തമാക്കിയിട്ടില്ല.അതേസമയം,F-15 SA ഫൈറ്റർ ജെറ്റ് രണ്ട് സീറ്റുള്ള വിമാനമായതിനാൽ രണ്ടു പേർ മരിച്ചതായാണ് കണക്കാക്കുന്നത്.
സംഭവത്തില്‍ പ്രതിരോധ മന്ത്രാലയം അടിയന്തര അന്വേഷണത്തിന് ഉത്തരവിട്ടതായി സൗദി വാര്‍ത്താ ഏജന്‍സി അറിയിച്ചു. സാങ്കേതിക തകരാറാണ് അപകടത്തിനിടയാക്കിയതെന്നാണ് പ്രാഥമിക നിഗമനം.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
