November 19, 2021
November 19, 2021
ജിദ്ദ : ഈ വർഷത്തെ ഉംറ തീർത്ഥാടനത്തിന് എത്തുന്ന വിദേശ തീർത്ഥാടകരുടെ പ്രായം 12 വയസിനും 50 വയസിനും ഇടയിൽ ആയിരിക്കണമെന്ന് സൗദി ഹജ്ജ് ഉംറ മന്ത്രാലയത്തിന്റെ നിർദ്ദേശം. ഹറമിലേക്ക് കുട്ടികളെ കൊണ്ടുവരരുത് എന്നും മന്ത്രാലയം അറിയിച്ചു. ഈ നിയമം ആഭ്യന്തര തീർത്ഥാടകർക്കും ബാധകമാണ്.
സൗദിക്ക് പുറത്ത് നിന്നും ഉംറ വിസയ്ക്ക് അപേക്ഷിക്കുന്നവർ അതത് രാജ്യങ്ങളിലെ ഔദ്യോഗിക ട്രാവൽ ഏജൻസികളുമായി ബന്ധപ്പെടണം. ഈ ഏജൻസികൾക്ക് സൗദിയിലെ ഉംറ കമ്പനികളുമായി കരാർ ഉണ്ടായിരിക്കണം. സൗദി അംഗീകരിച്ച കോവിഡ് വാക്സിനുകളിൽ ഒന്നിന്റെ രണ്ട് ഡോസും പൂർത്തിയാക്കിയ ആളുകൾക്ക് മാത്രമേ അപേക്ഷ സമർപ്പിക്കാൻ കഴിയൂ. ഇതോടൊപ്പം, ഓൺലൈനായി ഇലക്ട്രോണിക് വിസയ്ക്ക് അപേക്ഷിക്കുകയും വേണം. സൗദി വിദേശകാര്യ മന്ത്രാലയത്തിന്റെ വെബ്‌സൈറ്റ് വഴിയാണ് ഈ അപേക്ഷ നൽകേണ്ടത്. ഇഅമതന, തവക്കൽനാ തുടങ്ങിയ ആപ്പുകൾ വഴിയും ഉംറക്ക് അപേക്ഷ നൽകാൻ കഴിയും.
