September 24, 2020
September 24, 2020
സൗദിയിലെ ദമ്മാം അൽ ഖോബാർ ഹൈവേയിൽ ഉണ്ടായ വാഹനാപകടത്തിൽ മൂന്ന് മലയാളി യുവാക്കൾ മരിച്ചു.വ്യാഴാഴ്ച പുലർച്ചെ രണ്ടു മണിയോടെയാണ് അപകടമുണ്ടായത്.സൗദി ദേശീയ ദിനാഘോഷം കഴിഞ്ഞു മടങ്ങുകയായിരുന്നു മൂന്നു പേരും. ഇവര്‍ ഓടിച്ചിരുന്ന കാര്‍ സര്‍വീസ് റോഡില്‍ നിന്ന് പ്രധാന റോഡിലേക്ക് ഇറങ്ങുന്നതിനിടെ നിയന്ത്രണം വിട്ട് ഡിവൈഡറില്‍ ഇടിച്ചാണ് അപകടം ഉണ്ടായത് .
കോഴിക്കോട് മാങ്കാവ് സ്വദേശി അത്തക്കര വീട്ടിൽ മുഹമ്മദ്റാഫിയുടെ മകൻ മുഹമ്മദ് സനദ് (22 ), താനൂർ കുന്നുംപുറം സ്വദേശി പൈക്കാട്ട് സൈതലവിയുടെ മകൻ മുഹമ്മദ് ഷഫീഖ് (22 ), വയനാട് സ്വദേശി ചക്കര വീട്ടിൽ അബൂബക്കറിന്റെ മകൻ ആൻസിഫ് (22 ), എന്നിവരാണ് മരിച്ചത്‌.
ദമാം ഇന്ത്യൻ സ്‌കൂളിൽ പൂർവ വിദ്യാർത്ഥികളായ ഇവരിൽ സനദ് ബഹറിനിൽ പഠിക്കുകയാണ്.മുഹമ്മദ് ഷഫീഖും അൻസിഫും ദമാമിൽ സ്വകാര്യ കമ്പനിയിൽ ജീവനക്കാരാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന വാട്സ്ആപ് നമ്പറിലേക്ക് സന്ദേശമയക്കുക
