April 07, 2020
April 07, 2020
റിയാദ് : ഏതാനും ആഴ്ചകൾക്കുള്ളിൽ സൗദി അറേബ്യയിലെ കോവിഡ് ബാധിതരുടെ എണ്ണം ഒരു ലക്ഷത്തിനും രണ്ടു ലക്ഷത്തിനും ഇടയിലായേക്കാമെന്ന് സൗദി ആരോഗ്യമന്ത്രി തൗഫീഖ് അൽ റാബിഹ അറിയിച്ചതായി സൗദിയിലെ അൽ അറബിയ ഇംഗ്ലീഷ് റിപ്പോർട്ട് ചെയ്തു. സൗദി പ്രസ് ഏജൻസിയെ ഉദ്ധരിച്ചുകൊണ്ടുള്ളതാണ് റിപ്പോർട്ട്. മറ്റ് ചില വിദേശ മാധ്യമങ്ങളും വാർത്ത റിപ്പോർട്ട് ചെയ്തിട്ടുണ്ട്.
കോവിഡ് പ്രതിരോധിക്കാൻ സർക്കാർ പ്രഖ്യാപിച്ച നിയന്ത്രണങ്ങൾ ജനങ്ങൾ കൃത്യമായി പാലിച്ചില്ലെങ്കിൽ ആഴ്ചകൾക്കകം തന്നെ രാജ്യത്തെ മൊത്തം രോഗബാധിതരുടെ എണ്ണം രണ്ടു ലക്ഷം വരെ എത്തുമെന്ന് സൗദി ആരോഗ്യമന്ത്രിയെ ഉദ്ധരിച്ച് ദുബായിലെ ഗൾഫ് ന്യൂസ് പത്രവും റിപ്പോർട്ട് ചെയ്തു.ഇതിനിടെ ഇന്ന് (ചൊവ്വ) മൂന്ന് പേർ കൂടി രാജ്യത്ത് കോവിഡ് ബാധിച്ചു മരിച്ചു.ഇതോടെ രാജ്യത്തെ മൊത്തം രോഗബാധിതരുടെ എണ്ണം 2795 ആയി. 615 പേരാണ് ഇതുവരെ സുഖം പ്രാപിച്ചത്.മരണ സംഖ്യ 41 ആയി. .
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
