October 10, 2021
October 10, 2021
ഖത്തറിനെതിരായ സൗഹൃദമത്സരത്തിൽ പറങ്കിപ്പടയ്ക്ക് വിജയം. ഏകപക്ഷീയമായ മൂന്ന് ഗോളുകൾക്കാണ് പോർച്ചുഗൽ ലോകകപ്പ് ആതിഥേയരെ വീഴ്ത്തിയത്. ഈ മത്സരത്തോടെ യൂറോപ്പ്യൻ രാജ്യങ്ങൾക്കായി ഏറ്റവുമധികം മത്സരങ്ങൾ കളിച്ച താരമെന്ന റെക്കോർഡ് ക്രിസ്ത്യാനോ റൊണാൾഡോ സ്വന്തമാക്കി. തന്റെ 181ആം മത്സരത്തിനിറങ്ങിയ റൊണാൾഡോ, സ്പാനിഷ് താരം സെർജിയോ റാമോസിന്റെ റെക്കോർഡാണ് പഴങ്കഥയാക്കിയത്.
മത്സരത്തിലെ ആദ്യഗോൾ സ്വന്തമാക്കിയതും റൊണാൾഡോയാണ്. മുപ്പത്തിയേഴാം മിനിറ്റിലായിരുന്നു താരത്തിന്റെ ഗോൾ നേട്ടം. ഹൊസെ ഫൊന്റെ, ആന്ദ്രേ സിൽവ എന്നിവരും പോർചുഗലിനായി ഗോൾപട്ടികയിൽ ഇടംപിടിച്ചു. യൂറോപ്യൻ ലോകകപ്പ് യോഗ്യതാ റൗണ്ടിൽ ലക്സംബർഗിനെതിരെയാണ് പോർച്ചുഗലിന്റെ അടുത്ത മത്സരം. ഗ്രൂപ്പിൽ സെർബിയക്ക് പിന്നിൽ രണ്ടാമതുള്ള പോർച്ചുഗലിന് ഒരു മത്സരം അധികം കൈവശമുണ്ട്.