January 24, 2022
January 24, 2022
റിയാദ് : സൗദിയിൽ ഇന്ന് പുലർച്ചെ ഹൂത്തികൾ നടത്തിയ ബാലിസ്റ്റിക്ക് മിസൈൽ ആക്രമണത്തിൽ പരിക്കേറ്റത് സുഡാൻ, ബംഗ്ലാദേശ് സ്വദേശികൾക്കാണെന്ന് സഖ്യസേന സ്ഥിരീകരിച്ചു. മിസൈലുകളെ സഖ്യസേന ലക്ഷ്യസ്ഥാനത്ത് എത്തും മുൻപ് തകർത്തെങ്കിലും, ഇവയുടെ അവശിഷ്ടങ്ങൾ വീണ് രണ്ട് പ്രവാസികൾക്ക് പരിക്കേറ്റതായി റിപ്പോർട്ടുകൾ പുറത്തുവന്നിരുന്നു. ഇവർക്ക് നിസ്സാര പരിക്കുകളാണ് ഉള്ളതെന്നും, സംഭവത്തിൽ ഏതാനും വാഹനങ്ങൾക്കും വർക്ക് ഷോപ്പുകൾക്കും കേടുപാടുകൾ സംഭവിച്ചെന്നും സഖ്യസേന അറിയിച്ചു. അഹമ്മദ് അൽ മസാരിഹ പ്രദേശത്ത് മൂന്നാം തവണയാണ് ഹൂത്തികൾ ആക്രമണം നടത്തുന്നത്.
