July 28, 2019
July 28, 2019
ടെഹ്റാൻ: ഇറാനുമായുള്ള പ്രശ്നം പരിഹരിക്കുന്നതിനുള്ള മധ്യസ്ഥ ശ്രമം ഒമാൻ ഊർജിതമാക്കി. മേഖലയിൽ രൂക്ഷമായിക്കൊണ്ടിരിക്കുന്ന സംഘർഷം ഏതുവിധേനയും പരിഹരിക്കാൻ ലക്ഷ്യമിട്ടാണ് ഒമാൻ വിഷയത്തിൽ ഇടപെടുന്നത്.ഇതിന്റെ ഭാഗമായി ഇറാനുമായുള്ള ചർച്ചകൾക്ക് നേതൃത്വം നൽകാൻ ഒമാൻ വിദേശകാര്യ മന്ത്രി യൂസുഫ് ബിൻ അലവി കഴിഞ്ഞ ദിവസം ഇറാനിലെത്തി.
ഇറാൻ വിദേശകാര്യ മന്ത്രി ജാവേദ് ശരീഫുമായും ഇറാൻ റിപ്പബ്ലിക് അധികൃതരുമായും യൂസുഫ് ബിൻ അലവി ചർച്ചകൾ നടത്തുമെന്ന് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.അടുത്തിടെ മേഖലയിലുണ്ടായ സംഘർഷങ്ങൾ കൂടിക്കാഴ്ചയിൽ ചർച്ച ചെയ്യുമെന്ന് ഒമാൻ വിദേശകാര്യ മന്ത്രാലയം ട്വീറ്റ് ചെയ്തു.