May 18, 2020
May 18, 2020
മസ്കത്ത് : വിവിധ ഗൾഫ് രാജ്യങ്ങൾക്ക് പിന്നാലെ ഒമാനിലും പുറത്തിറങ്ങുന്നവർക്ക് ഫെയ്സ് മാസ്ക് നിർബന്ധമാക്കി.തിങ്കളാഴ്ച ചേർന്ന സുപ്രീം കമ്മിറ്റി യോഗമാണ് ഇത് സംബന്ധിച്ച തീരുമാനമെടുത്തത്. പൊതുസ്ഥലങ്ങള്ക്ക് പുറമെ സര്ക്കാര്-സ്വകാര്യ മേഖലയിലെ തൊഴിലിടങ്ങള്, അനുവദനീയമായ വാണിജ്യ-വ്യവസായ പ്രവര്ത്തനങ്ങള്, പൊതു ഗതാഗതം എന്നിവിടങ്ങളിലെല്ലാം മാസ്ക് നിര്ബന്ധമാക്കിയതായി സുപ്രീം കമ്മിറ്റി അറിയിച്ചു.
വ്യക്തികളും സര്ക്കാര്, സ്വകാര്യ സ്ഥാപനങ്ങളും സുപ്രീം കമ്മിറ്റി നിര്ദേശങ്ങള് പാലിക്കുന്നുണ്ടെന്ന് ഉറപ്പുവരുത്താനുള്ള ചുമതല റോയല് ഒമാന് പൊലീസിന് നല്കിയിട്ടുണ്ട്. റോയൽ ഒമാൻ പോലീസിന്റെ നിരീക്ഷണത്തില് കണ്ടെത്തുന്ന നിയമ ലംഘനങ്ങള്ക്ക് പിഴ ചുമത്തും. ആവശ്യമെങ്കില് കരുതല് തടങ്കലില് വെക്കാനും അധികാരമുണ്ടാകുമെന്ന് സുപ്രീം കമ്മിറ്റി അറിയിച്ചു. പെരുന്നാള് നമസ്കാരം, ഈദ് ഹബ്ത, കൂട്ടം ചേര്ന്നുള്ള ആഘോഷം തുടങ്ങി പെരുന്നാളുമായി ബന്ധപ്പെട്ട എല്ലാ ആഘോഷങ്ങളും സുപ്രീം കമ്മിറ്റി നിരോധിച്ചു.. മുന്കരുതല് നടപടികള് പാലിച്ച് കൂടുതല് വ്യവസായ, വാണിജ്യ പ്രവര്ത്തനങ്ങള് പുനരാരംഭിക്കാന് അനുമതി നല്കാനും സുപ്രീം കമ്മിറ്റി തീരുമാനിച്ചു. പുനരാരംഭിക്കുന്ന മേഖലകളുടെ പട്ടിക ബന്ധപ്പെട്ട അധികൃതര് വൈകാതെ പ്രഖ്യാപിക്കുമെന്നും സുപ്രീം കമ്മിറ്റി അറിയിച്ചു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക