July 05, 2020
July 05, 2020
മസ്കത്ത് : ഒമാനിൽ കോവിഡ് ബാധിച്ച് ചികിത്സയിലായിരുന്ന പത്തു പേർ കൂടി മരണപ്പെട്ടു.ഇന്നലെയും ഒമാനിൽ പത്തു പേർ മരിച്ചിരുന്നു.നിലവിൽ സൗദിയിലും ഒമാനിലുമാണ് ഗൾഫിൽ മരണനിരക്ക് ഉയർന്ന നിലയിൽ തുടരുന്നത്.
ഒമാനിൽ മരണനിരക്ക് 213 ആയി. ഇന്ന് 1,072 പേർക്ക് കൂടി കോവിഡ് സ്ഥിരീകരിച്ചതോടെ ഒമാനിൽ ആകെ വൈറസ് ബാധിതരുടെ എണ്ണം 46,178 ആയി. ഇന്ന് കോവിഡ് പോസിറ്റീവായവരിൽ 799 പേരും ഒമാൻ പൗരൻമാരാണ്. 273 പ്രവാസികൾക്കും ഇന്ന് വൈറസ് ബാധ സ്ഥിരീകരിച്ചു.
24 മണിക്കൂറിനിടെ 949 പേർക്ക് കൂടി കോവിഡ് ഭേദമായതോടെ രാജ്യത്ത് കോവിഡിനെ അതിജീവിച്ചവരുടെ എണ്ണം 27,917 ആയി. പുതിയതായി 65 പേരെ കൂടി ആശുപത്രിയിൽ പ്രവേശിപ്പിച്ചതോടെ രാജ്യത്ത് ചികിത്സയിൽ തുടരുന്ന കോവിഡ് രോഗികളുടെ എണ്ണം 458 ആയി. ഇതിൽ 121 പേർ ഐ.സി.യു വിലാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
