November 22, 2023
November 22, 2023
മസ്‌കത്ത്: ഒമാന്റെ ബജറ്റ് വിമാന കമ്പനിയായ സലാം എയര്‍ തിരുവനന്തപുരം, കോഴിക്കോട് അടക്കമുള്ള അഞ്ച് ഇന്ത്യന്‍ നഗരങ്ങളിലേക്കുള്ള സര്‍വീസുകള്‍ വീണ്ടും ആരംഭിക്കുന്നു. തിരുവനന്തപുരം, കോഴിക്കോട്, ഹൈദരാബാദ്, ജയ്പൂര്‍, ലഖ്നൗ എന്നീ അഞ്ച് ഇന്ത്യന്‍ നഗരങ്ങളിലേക്കാണ് സര്‍വീസുകള്‍ പുനരാരംഭിക്കുന്നത്.
ഇന്ത്യന്‍ നഗരങ്ങളിലേക്ക് സലാം എയര്‍ വീണ്ടും സര്‍വീസുകള്‍ തുടങ്ങുന്നതായി എയര്‍ലൈന്‍ ചെയര്‍മാന്‍ അന്‍വര്‍ മുഹമ്മദ് അല്‍ റവാസ് പത്രകുറിപ്പിലൂടെ അറിയിച്ചു. സിവില്‍ ഏവിയേഷന്‍ അതോറിറ്റിയില്‍ നിന്ന് സര്‍വീസുകള്‍ അനുമതി ലഭിച്ചതായും സര്‍വീസുകളുടെ തീയതി ഉടന്‍ പ്രഖ്യാപിക്കുമെന്നും അധികൃതര്‍ വ്യക്തമാക്കി. അടുത്തമാസം മുതല്‍ നേരിട്ടുള്ള ഫ്‌ലൈറ്റുകള്‍ ആരംഭിക്കാനാണ് സാധ്യത.
കുറഞ്ഞ ടിക്കറ്റ് നിരക്കില്‍ സര്‍വീസ് നടത്തുന്ന ഒമാനിലെ വിമാനകമ്പനിയാണ് സലാം എയര്‍. വിമാനങ്ങളുടെ ലഭ്യതക്കുറവ് ചൂണ്ടിക്കാട്ടി കഴിഞ്ഞ ഒക്ടോബറിലാണ് ഇന്ത്യന്‍ നഗരങ്ങളിലേക്കുള്ള സര്‍വീസുകള്‍ സലാം എയര്‍ നിര്‍ത്തിയത്. സര്‍വീസുകള്‍ പുനരാരംഭിക്കുന്നതോടെ ഉംറ തീര്‍ത്ഥാടകര്‍ക്കും യാത്ര എളുപ്പമാകും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
