July 26, 2020
July 26, 2020
മസ്കത്ത് : ഒമാനിലെ സലാലയിൽ നിന്നും ചികിത്സയ്ക്കായി നാട്ടിൽ പോയ കോഴിക്കോട് കുറ്റ്യാടി തളീക്കര സ്വദേശി കെ.പി ബഷീർ(53) നിര്യാതനായി.സലാലയിൽ സ്വന്തമായി ബിസിനസ് നടത്തിവരികയായിരുന്നു. സലാല കെ.എം.സി.സി യുടെ സജീവ പ്രവർത്തകനായിരുന്നു.അസുഖ ബാധിതനായതിനെ തുടർന്ന് കഴിഞ്ഞമാസമാണ് സലാലയിൽ നിന്നും കെ.എം.സി.സി ചാർട്ടർ ചെയ്ത വിമാനത്തിൽ നാട്ടിലേക്ക് മടങ്ങിയത്.അർബുദ ബാധയെ തുടർന്ന് എറണാകുളം ലേക്ഷോർ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. ചികിത്സയ്ക്കിടെ കോവിഡ് സ്ഥിരീകരിച്ചിരുന്നു.സലാലയിലും നാട്ടിലുമായി ജീവകാരുണ്യ പ്രവർത്തനങ്ങളിലെ സജീവ സാന്നിധ്യമായിരുന്നു.
ഭാര്യ : സൽമ. മസ്കത്തിലുള്ള അബുനൈസ് ഉൾപെടെ നാല് മക്കളുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക