July 27, 2020
July 27, 2020
മസ്കത്ത്: ഒമാനില് കഴിഞ്ഞ 24 മണിക്കൂറിനിടെ 1053 പേര്ക്ക് കൂടി കോവിഡ് സ്ഥിരീകരിച്ചു. ഇതോടെ മൊത്തം രോഗബാധിതര് 77058 ആയി. 3504 പരിശോധനകളാണ് നടത്തിയത്. പുതിയ രോഗികളില് 952 പേര് സ്വദേശികളും 101 പേര് പ്രവാസികളുമാണ്.
1729 പേര്ക്കാണ് പുതുതായി കോവിഡ് ഭേദമായത്. ഇതോടെ രോഗമുക്തരുടെ എണ്ണം 57028 ആയി. കഴിഞ്ഞ 24 മണിക്കൂറിനുള്ളില് ഒൻപത് പേര് കൂടി ചികിത്സയിലിരിക്കെ മരണപ്പെട്ടു. ഇതോടെ മരണ സംഖ്യ 393 ആയി ഉയര്ന്നു. 69 പേരെ കൂടി ആശുപത്രിയില് പ്രവേശിപ്പിച്ചു. 552 പേരാണ് നിലവില് ആശുപത്രികളില് ചികിത്സയിലുള്ളത്. ഇതില് 177 പേര് തീവ്ര പരിചരണ വിഭാഗത്തിലാന്. 19637 പേരാണ് നിലവില് അസുഖ ബാധിതരായിട്ടുള്ളത്.
വടക്കന് ബാത്തിന ഗവര്ണറേറ്റിലാണ് ഇന്നും പുതിയ രോഗികള് കൂടുതലുള്ളത്. 404 പേര്ക്കാണ് ഇവിടെ പുതുതായി വൈറസ് ബാധ സ്ഥിരീകരിച്ചത്. തെക്കന് ബാത്തിന (197) രണ്ടാമതും മസ്കത്ത് (108) മൂന്നാമതുമാണ്.
ന്യൂസ്റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക