July 29, 2020
July 29, 2020
മസ്കത്ത് : ഒമാനിൽ തുടർച്ചയായ രണ്ടാം ദിവസവും കോവിഡ് സ്ഥിരീകരിക്കുന്നവരുടെ എണ്ണം ആയിരത്തിൽ താഴെ.കഴിഞ്ഞ 24 മണിക്കൂറിനിടെ 665 പേർക്കാണ് കോവിഡ് സ്ഥിരീകരിച്ചത്. ഇതിൽ 618 പേരും ഒമാൻ പൗരൻമാരാണ്. 47 വിദേശികൾക്കും പുതിയതായി വൈറസ് ബാധ സ്ഥിരീകരിച്ചു. ഇതോടെ ഒമാനിലെ ആകെ കോവിഡ് പോസിറ്റീവ് കേസുകളുടെ എണ്ണം 78,569 ആയി. 24 മണിക്കൂറിനിടെ 1,653 പേർക്ക് കൂടി കോവിഡ് ഭേദമായതോടെ രാജ്യത്ത് രോഗമുക്തി നേടിയവരുടെ എണ്ണം 60,240 ആയി.
വൈറസ് ബാധിതരായി 10 പേർ കൂടി ഇന്ന് മരണപ്പെട്ടതോടെ രാജ്യത്തെ ആകെ കോവിഡ് മരണസംഖ്യ 412 ആയി.
കഴിഞ്ഞ 24 മണിക്കൂറിനിടെ 1,314 പേർക്കാണ് കോവിഡ് പരിശോധന നടത്തിയത്.ഇതുവരെ 3,03,711 പേർക്ക് കോവിഡ് പരിശോധന നടത്തിയിട്ടുണ്ട്.
പുതിയതായി 52 പേരെ കൂടി ആശുപത്രിയിൽ പ്രവേശിപ്പിച്ചു. രാജ്യത്ത് നിലവിൽ 522 പേരാണ് കോവിഡ് ബാധിതരായി ചികിത്സയിലുള്ളത്. ഇതിൽ 184 പേർ തീവ്രപരിചരണ വിഭാഗത്തിലാണ്.
ന്യൂസ്‌റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
