May 23, 2020
May 23, 2020
മസ്കത്ത് : ഒമാനിൽ ശവ്വാൽ മാസപ്പിറവി ദൃശ്യമായതിനാൽ നാളെ (ഞായറാഴ്ച) ഈദുൽ ഫിത്ർ. രാജ്യത്ത് മൂന്നു ദിവസം പൊതു അവധിയും 301 പ്രവാസികൾ ഉൾപ്പെടെ 797 തടവുകാർക്ക് മോചനവും ഒമാന്‍ ഭരണാധികാരി സുൽത്താൻ ഹൈതം ബിൻ താരിഖ് അൽ സൈദ് ഉത്തരവിട്ടു. സർക്കാർ, സ്വകാര്യാ സ്ഥാപനങ്ങൾക്ക് മൂന്നു ദിവസത്തെ അവധി ബാധകമായിരിക്കും.. അവധിക്കു ശേഷം ബുധനാഴ്ച മുതൽ സർക്കാർ സ്വകാര്യ സ്ഥാപനങ്ങൾ പ്രവർത്തിച്ചു തുടങ്ങും.
കോവിഡ് 19നെ തുടർന്ന് ആഘോഷങ്ങൾക്കും ഒത്തുചേരലുകൾക്കും ഒമാൻ സുപ്രീം കമ്മറ്റി കർശന നിയന്ത്രണം ഏര്‍പ്പെടുത്തിയിട്ടുള്ളതിനാൽ പെരുന്നാൾ നമസ്കാരവും , ആഘോഷവും ഒത്തുചേരലുകളുമില്ലാത്ത ചെറിയ പെരുനാളിനാണ് ഒമാനിലെ വിശ്വാസികളും നാളെ സാക്ഷ്യം വഹിക്കുന്നത്.
ഇതോടെ എല്ലാ ഗൾഫ് രാജ്യങ്ങളിലും കേരളത്തിലും ഒരേ ദിവസം തന്നെ ചെറിയ പെരുന്നാൾ ആഘോഷിക്കാനാവും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
