September 18, 2022
September 18, 2022
ന്യൂസ്റൂം ബ്യുറോ
ദുബായ്: യുഎഇയില് മള്ട്ടി എന്ട്രി ടൂറിസ്റ്റ് വിസ ലഭിക്കാനുള്ള നടപടികള് ലളിതമാക്കി.ഒരു വര്ഷം പരമാവധി 90 ദിവസം യുഎഇയില് താമസിക്കാന് അനുവദിക്കുന്നതാണ് പുതിയ വീസ.
പരിഷ്കരിച്ച താമസ കുടിയേറ്റ നിയമം പ്രാബല്യത്തിലാകുന്ന ഒക്ടോബര് 3 മുതലാണ് ദീര്ഘകാലാവധിയുള്ള ടൂറിസ്റ്റ് വിസകൾ അൻവാടിച്ചുതുടങ്ങുക.
4,000 ഡോളറിനു (3 ലക്ഷം രൂപ) തുല്യമായ ബാങ്ക് ബാലന്സുണ്ടെങ്കില് വിസക്ക് അപേക്ഷിക്കാം. വിസ അപേക്ഷ സമര്പ്പിക്കുന്നതിന് തൊട്ടുമുമ്പുള്ള 6 മാസത്തെ ബാങ്ക് ഇടപാട് രേഖകളാകും അപേക്ഷയോടൊപ്പം പരിഗണിക്കുക. 3 ലക്ഷം രൂപ ബാങ്ക് ഗാരന്റിയായും സമര്പ്പിക്കണം. ആരോഗ്യ ഇന്ഷുറന്സും നിർബന്ധമായിരിക്കും.
ഇത്രയും രേഖകള് ഉണ്ടെങ്കില് കളര് ഫോട്ടോക്കൊപ്പം പാസ്പോര്ട്ടിന്റെ പകര്പ്പ് കൂടി നല്കി അപേക്ഷിച്ചാല് വിസ ലഭിക്കുമെന്നു അധികൃതര് വ്യക്തമാക്കി.
വിസ ലഭിച്ചാല് 90 ദിവസം വരെ തുടര്ച്ചയായി രാജ്യത്ത് തങ്ങാം. ഒരു വര്ഷത്തിനിടയ്ക്ക് ഇതില് കൂടുതല് ദിവസം കഴിയണമെന്നുള്ളവര്ക്ക് പുതുക്കാനും അവസരമുണ്ട്. ഈ വിസയില് പരമാവധി താമസിക്കാന് കഴിയുന്നത് 180 ദിവസമാണ്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക