February 16, 2022
February 16, 2022
ഷാർജ : രാജ്യാന്തര ഫോട്ടോഗ്രഫി പ്രദർശനമായ എക്സ്പോഷർ നടത്തിയ മത്സരത്തിൽ ഒന്നാം സ്ഥാനത്തിന് മലയാളി അർഹനായി. മലപ്പുറം ജില്ലയിലെ വേങ്ങൂർ സ്വദേശിയായ നൗഫൽ പെരിന്തൽമണ്ണ, ഗവണ്മെന്റ് ഓപ്പൺ വിഭാഗത്തിലാണ് ഒന്നാം സ്ഥാനം കരസ്ഥമാക്കിയത്.
മരുഭൂമിയിലൂടെ, തന്റെ ഒട്ടകവുമായി നടന്നുപോകുന്ന ആളുടെ ചിത്രമാണ് നൗഫൽ പകർത്തിയത്. 1500 ഡോളറാണ് നൗഫലിന് ലഭിച്ച സമ്മാനത്തുക. ഒപ്പം, ഒരു നിക്കോൺ ക്യാമറയും ഫലകവും ലഭിച്ചു. ഷാർജ ഉപഭരണാധികാരിയും മീഡിയ കൗൺസിൽ ചെയർമാനുമായ ഷെയ്ഖ് സുൽത്താൻ ബിൻ അഹ്മദ് അൽ ഖാസിമിയാണ് പുരസ്കാരം സമ്മാനിച്ചത്. കഴിഞ്ഞ വർഷവും സമ്മാനം നേടിയ നൗഫൽ, കഴിഞ്ഞ മാസം നടന്ന ദുബായ് എക്സ്പോയുടെ ഫോട്ടോഗ്രഫി മത്സരത്തിലും സമ്മാനത്തിന് അർഹനായിരുന്നു.
ഭാര്യ : തസ്‌നി താജ്
മകൻ : മുഹമ്മദ് ഷാസിൽ
