November 19, 2021
November 19, 2021
അബുദാബി : യുഎഇയുടെ സുവർണ്ണജൂബിലി ആഘോഷങ്ങളുടെ ഭാഗമായി കണ്ണൂർ ചൊവ്വ സ്വദേശി റയീസ് നടത്തിയ റോളർസ്‌കേറ്റർ യാത്ര ശ്രദ്ധേയമായി. ഒരു പകലും രാത്രിയും നീണ്ടുനിന്ന മാരത്തൺ സ്കേറ്റിങ്ങിനിടെ റയീസ് താണ്ടിയത് 222 കിലോമീറ്ററാണ്. അബുദാബിയുടെ ചരിത്രത്തിൽ ആദ്യമായാണ് ഒരാൾ റോളർസ്‌കേറ്ററിൽ ഇത്ര ദൂരം ഒന്നിച്ചു താണ്ടുന്നത്.
സോഫീട്ടൽ ഹോട്ടലിനടുത്തുള്ള സൺ ഡയൽ ഗ്രൗണ്ടിൽ നിന്നും പുറപ്പെട്ട്, കോർണിഷ് വഴിയായിരുന്നു യാത്ര. മീന, എമിറേറ്റ്സ് പാലസ്, ബത്തീൻ, ഹുദൈറത്ത് ഐലന്റ്, സായിദ് സ്പോർട്സ് സിറ്റി തുടങ്ങി, അബുദാബി നഗരത്തിന്റെ വിവിധഭാഗങ്ങൾ പിന്നിട്ട ശേഷം തുടങ്ങിയ ഇടത്ത് തന്നെ പര്യവസാനിക്കുകയായിരുന്നു. ഒട്ടേറെ പേരുടെ സാന്നിധ്യത്തിലായിരുന്നു യാത്രയുടെ ഫ്ലാഗ് ഓഫ്. ഫിറ്റ്നസ് മേഖലയിൽ ജോലി ചെയ്യുന്ന റയീസ് വ്യത്യസ്തമായ മറ്റൊരു യാത്രയ്ക്കുള്ള ഒരുക്കത്തിലാണ്.
