March 23, 2022
March 23, 2022
റിയാദ് : സൗദിയിൽ ജോലിചെയ്യുന്ന മകന്റെ ഒപ്പം താമസിക്കാൻ സന്ദർശകവിസയിലെത്തിയ മലയാളി കുഴഞ്ഞുവീണു മരിച്ചു. കൊല്ലം ജില്ലയിലെ മുകുന്ദപുരം കോയിവിള സ്വദേശി പുത്തൻ സങ്കേതം പുതിയ വീട്ടിൽ ഷറഫുദ്ദീൻ ആണ് മരിച്ചത്. 64 വയസായിരുന്നു. പ്രഭാതസവാരിക്ക് ശേഷം വീട്ടിലെത്തി ഭക്ഷണം കഴിച്ചു വിശ്രമിക്കുന്നതിനിടെയാണ് കുഴഞ്ഞുവീണത്. ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.
ഏറെക്കാലം സൗദിയിൽ പ്രവാസിയായിരുന്ന ഷറഫുദ്ദീൻ, ഏതാനും വർഷങ്ങൾക്ക് മുൻപാണ് പ്രവാസം അവസാനിപ്പിച്ച് നാട്ടിലേക്ക് മടങ്ങിയത്. കിഴക്കൻ പ്രവിശ്യയിലെ ജുബൈലിൽ ജോലി ചെയ്യുന്ന മകനൊപ്പം താമസിക്കാനാണ് ഭാര്യ ലൈലാബീവിയുടെ കൂടെ ഷറഫുദ്ദീൻ വീണ്ടും സൗദിയിലെത്തിയത്. ജുബൈൽ ജനറൽ ആശുപത്രിയിൽ സൂക്ഷിച്ചിരിക്കുന്ന മൃതദേഹം, നടപടിക്രമങ്ങൾ പൂർത്തിയാക്കിയ ശേഷം ജുബൈലിൽ തന്നെ ഖബറടക്കും.
മകൻ : ഷെഫിൻ
മരുമകൾ : ജസ്ന