January 25, 2022
January 25, 2022
മസ്കത്ത് : അയർലണ്ടിലെ സുപ്രധാന ബഹുമതികൾ ഒന്നായ 'സമാധാന സ്ഥാനപതി' സ്ഥാനത്തേക്ക് മലയാളി ഡോക്ടർ നിയമിക്കപ്പെട്ടു. ഏറെക്കാലം ഒമാനിൽ ഡോക്ടറായി സേവനം അനുഷ്ടിച്ചിട്ടുള്ള തൃശൂർ സ്വദേശി ഡോക്ടർ ജോർജ് ലെസ്ലിയാണ് നേട്ടത്തിന് അർഹനായത്. ഈ ബഹുമതി ലഭിക്കുന്ന ആദ്യത്തെ ഇന്ത്യക്കാരനാണ് ലെസ്ലി. ഇരുപത് വർഷക്കാലം ഒമാനിൽ ജോലി ചെയ്ത ഡോക്ടർ, സാമൂഹികസാംസ്കാരിക മേഖലയിലും തന്റെ വ്യക്തി മുദ്ര പതിപ്പിച്ചിട്ടുണ്ട്.
സാംസ്കാരിക സംഘടനയായ 'മലയാള'ത്തിന്റെ ഒമാൻ ചാപ്റ്ററിന്റെ സ്ഥാപകരിൽ ഒരാളായ ലെസ്ലി, നിലവിലെ ചെയർമാനാണ്. ഉപരിപഠനാർത്ഥം അയർലണ്ടിൽ എത്തിയ ഡോക്ടർ നിരവധി യാത്രാവിവരണങ്ങളിലൂടെയും പ്രശസ്തനാണ്. അയർലണ്ടിനെ കുറിച്ച് രചിച്ച 'അയർലണ്ട് : കാഴ്ച, സംസ്കാരം, ചരിത്രം " എന്ന പുസ്തകം മാർച്ച് മാസത്തിൽ ഒമാനിൽ വെച്ച് പ്രകാശനം ചെയ്യാനുള്ള ഒരുക്കത്തിലാണ് ലെസ്ലി. ഇതോടൊപ്പം ഒമാനെ കുറിച്ച്, അയർലണ്ടിന്റെ സഹായത്തോടെ 'സ്ക്രീൻ വേൾഡ്' എന്ന ഡോക്യുമെന്ററിയും പണിപ്പുരയിലാണെന്ന് ഡോക്ടർ അറിയിച്ചു.