February 10, 2021
February 10, 2021
ദുബായ് : ദുബായിൽ കോവിഡ് ബാധിതനായ മലയാളി യുവാവ് ഹൃദയാഘാതം മൂലം മരിച്ചു. കണ്ണൂർ ചാലാട് പാമ്പൻകണ്ടിക്ക് സമീപം തയ്യിൽ കിഴക്കേത് വീട്ടിൽ ദിലീഷ്(47) ആണ് മരിച്ചത്.ന്യുമോണിയയെ തുടർന്ന് ദുബായ് ഹോസ്പിറ്റലിൽ ചികിത്സയിലായിരുന്നു.ഇന്നലെ രാത്രി ഹൃദയാഘാതത്തെ തുടർന്നായിരുന്നു അന്ത്യം.
പരേതനായ മുകുന്ദന്റെയും വിലാസിനിയുടെയും മകനാണ്.വൃന്ദയാണ് ഭാര്യ.മകൾ : അക്ഷയ.സഹോദരങ്ങൾ : സുമേഷ്,റോഷ്നി.
അബുദാബി നാഷണൽ ബാങ്കിൽ ജീവനക്കാരനായ ദിലീഷ് കഴിഞ്ഞ മാർച്ചിലാണ് നാട്ടിൽ നിന്നും അവധി കഴിഞ്ഞു തിരിച്ചുപോയത്. ഭാര്യയും മകളും ദുബായിലുണ്ട്.ഭാര്യക്കും മകൾക്കും കോവിഡ് ഫലം നെഗറ്റിവ് ആണ്.മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾ പൂർത്തിയാക്കി ദുബായിൽ സംസ്കരിക്കും.
കോവിഡ് പ്രതിരോധ വാക്സിൻ സ്വീകരിച്ചതിനു പിന്നാലെയാണ് ദിലീഷിന് പനി അനുഭവപ്പെട്ടതെന്നും തുടർന്ന് ആശുപത്രിയിൽ പ്രവേശിപ്പിച്ചതെന്നും സഹോദരൻ സുമേഷ് ന്യൂസ്റൂമിനോട് പറഞ്ഞു.
ന്യൂസ്റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.