September 20, 2021
September 20, 2021
ഇന്ത്യൻ പ്രീമിയർ ലീഗിലെ മുപ്പത്തി ഒന്നാം മത്സരത്തിൽ ഇന്ന് കൊൽക്കത്ത നൈറ്റ്റൈഡേഴ്സും, റോയൽ ചലഞ്ചേഴ്സ് ബാംഗ്ലൂരും ഏറ്റുമുട്ടും. അബുദാബി ഷെയ്ഖ് സായദ് സ്റ്റേഡിയത്തിൽ ഇന്ത്യൻ സമയം 7:30 നാണ് മത്സരം. ഇരുവരും കഴിഞ്ഞ റൗണ്ടിൽ ഏറ്റുമുട്ടിയപ്പോൾ ബാംഗ്ലൂർ 38 റൺസിന് വിജയം സ്വന്തമാക്കിയിരുന്നു.
സീസണിൽ കളിച്ച ഏഴിൽ അഞ്ചുമത്സരങ്ങളിലും തോറ്റ കൊൽക്കത്തയ്ക്ക് ഇന്നത്തെ മത്സരത്തിലും പരാജയം സംഭവിച്ചാൽ പ്ലേഓഫ് പ്രതീക്ഷകൾ അവസാനിച്ചുതുടങ്ങും. മറുഭാഗത്ത്, മികച്ച ഫോമിലുള്ള ബാംഗ്ലൂരിന് ഇന്ന് മികച്ച മാർജിനിൽ വിജയിക്കാനായാൽ പോയിന്റ് ടേബിളിൽ തലപ്പത്തെത്താം. മുൻപ് 27 വട്ടം ഈ ടീമുകൾ ഏറ്റുമുട്ടിയതിൽ 14 തവണ ജയം കൊൽക്കത്തയ്ക്കൊപ്പം നിന്നപ്പോൾ 13 വട്ടം ബാംഗ്ലൂർ വിജയിച്ചു.