December 02, 2021
December 02, 2021
ഡൽഹി : യൂറോപ്യൻ, അറേബ്യൻ രാജ്യങ്ങൾക്ക് പിന്നാലെ ഇന്ത്യയിലും ഒമിക്രോൺ സാന്നിധ്യം സ്ഥിരീകരിച്ചു. കർണാടകയിലെ 66,46 വയസുള്ള രണ്ട് പുരുഷൻമാർക്കാണ് രോഗം സ്ഥിരീകരിച്ചത്. പത്ത് പേരുടെ ഫലം കൂടെ വരാനുണ്ട് എന്നും കർണ്ണാടക ആരോഗ്യമന്ത്രാലയം അറിയിച്ചു.
നവംബർ 20 ന് ദക്ഷിണാഫ്രിക്കയിൽ നിന്ന് ബാംഗ്ലൂരിൽ എത്തിയ രണ്ടുപേർക്കാണ് ഒമിക്രോൺ സ്ഥിരീകരിച്ചത്. ഇവർക്ക് ഡെൽറ്റ വകഭേദം ആണ് ബാധിച്ചത് എന്നായിരുന്നു ആദ്യനിഗമനം എങ്കിലും, വിശദമായ പരിശോധനയിൽ ഒമിക്രോൺ ആണെന്ന് സ്ഥിരീകരിക്കുകയായിരുന്നു. അതേസമയം, ഇവർക്ക് ഗുരുതരമായ രോഗലക്ഷണങ്ങൾ ഇല്ലെന്നും, ഭയപ്പെടേണ്ട സാഹചര്യം ഇല്ലെന്നും കർണ്ണാടക സർക്കാർ അറിയിച്ചു.
