July 17, 2021
July 17, 2021
മസ്കത്ത് : ഒമാന്റെ വിവിധ ഭാഗങ്ങളില്‍ ശക്തമായ മഴ. പല ഭാഗത്തും താഴ്വരകള്‍ നിറഞ്ഞൊഴുകുകയാണ്. നിരവധി വാഹനങ്ങള്‍ താഴ്വരയില്‍ കുടുങ്ങിയിട്ടുണ്ട്.മഴയില്‍ നിരവധി വീടുകള്‍ തകര്‍ന്നു, നിരവധി പേര്‍ കെട്ടിടങ്ങളില്‍ കുടുങ്ങി. മഴ കാരണം സൂറില്‍ വൈദ്യുതി ബന്ധം താറുമാറായി. വൈദ്യുതി പുനഃസ്ഥാപിക്കാന്‍ ശ്രമങ്ങള്‍ നടത്തുന്നതായി അധികൃതര്‍ അറിയിച്ചു.
ശർഖിയ ഗവർണറേറ്റിലെ സുറിലും ജലാൻ ബാനി ബു അലിയിലും വാദികൾ കരകവിഞ്ഞൊഴുകിയതിനെ തുടർന്ന് നാല്‌ പേരെ കാണാതായി.ഇവർക്കായുള്ള തെരച്ചിൽ തുടരുകയാണ്.
റോഡില്‍ വെള്ളം കയറിയതു കാരണം നിരവധി വാഹനങ്ങള്‍ക്ക് കേടുപാട് പറ്റി. സൂര്‍ വിലായത്തിലെ ഏകയില്‍ കനത്ത മഴയില്‍ കെട്ടിടം തകര്‍ന്നുവീണു. ആളപായം റിപ്പോര്‍ട്ട് ചെയ്തിട്ടില്ല. തെക്കന്‍ ശര്‍ഖിയ്യ ഗവര്‍ണറേറ്റിലെ അല്‍ കാമില്‍ അല്‍ വാഫിയിലും ശക്തമായി മഴ പെയ്തു. മഴക്കൊപ്പം ആലിപ്പഴ വര്‍ഷവും ഉണ്ടായത് ദുരന്തം വര്‍ധിക്കാന്‍ കാരണമായി.നിരവധി വീടുകളില്‍ വെള്ളം കയറുകയും നിരവധി ഇടങ്ങളില്‍ വൈദ്യുതി ബന്ധം വിച്ഛേദിക്കപ്പെട്ടതായും അധികൃതര്‍ അറിയിച്ചു.
