January 01, 2022
January 01, 2022
മസ്കത്ത് : അതിശക്തമായ മഴയെ തുടർന്ന് ഒമാനിൽ ആറുപേർ മരിച്ചു. വിവിധ അപകടങ്ങളിലായാണ് ആറുപേർക്ക് ജീവൻ നഷ്ടപ്പെട്ടതെന്ന് സിവിൽ ഡിഫൻസ് സേന അറിയിച്ചു. ഗവർണറേറ്റുകളിലും വാദികളും വീടുകളിലും കുടുങ്ങിയ ഇരുപതോളം പേരെ രക്ഷപ്പെടുത്താൻ കഴിഞ്ഞതായും അധികൃതർ അറിയിച്ചു.
വാദികൾ മുറിച്ചുകടക്കരുതെന്ന് സിവിൽ ഡിഫൻസ് സേന മുന്നറിയിപ്പ് നൽകിയിട്ടുണ്ട്. മസ്കത്ത് സീബ് വിലായത്തിലെ വാദിയിൽ നിന്നും രണ്ട് പേരെ അടക്കം 16 പേരെയാണ് വാദികളിൽ നിന്ന് രക്ഷപ്പെടുത്തിയത്. റോഡുകളിൽ വെള്ളം കയറിയതിനാൽ മസ്കത്തിന്റെ വിവിധഭാഗങ്ങളിൽ ഗതാഗതം താറുമാറായി. അറബിക്കടലിൽ രൂപപ്പെട്ട ന്യൂനമർദം ഒമാൻ തീരം ലക്ഷ്യമാക്കി നീങ്ങുന്നതിനാൽ ബുധനാഴ്ച വരെ മഴ തുടർന്നേക്കും.