May 31, 2020
May 31, 2020
സലാല : ഒമാനിലെ സലാലയിൽ കഴിഞ്ഞ ദിവസമുണ്ടായ ശക്തമായ കാറ്റിലും മഴയിലും താമസ കെട്ടിടം തകർന്നുവീണ് പ്രവാസി മരിച്ചു.മൂന്നു പേർക്ക് പരിക്കേറ്റതായും റോയൽ ഒമാൻ പോലീസ് അറിയിച്ചു. സെൻട്രൽ സലാലയിൽ വിദേശികൾ താമസിക്കുന്ന കെട്ടിടമാണ് ഇന്നലെ രാത്രി കനത്ത മഴയിൽ നിലം പൊത്തിയത്.വെള്ളിയാഴ്ച മുതല്‍ തുടരുന്ന ശക്തമായ മഴയില്‍ കെട്ടിടം തകര്‍ന്നുവീഴുകയായിരുന്നു.
തീവ്ര ന്യുനമർദം ദോഫാർ തീരത്ത് എത്തിയതിനെ തുടർന്ന് കഴിഞ്ഞ ബുധനാഴ്ച മുതലാണ് ഒമാനിലെ ദോഫാർ അൽ വുസ്ത മേഖലകളിൽ കാലാവസ്ഥാ വ്യതിയാനംതുടങ്ങിയത്. തുടർന്ന് ശക്തമായ കാറ്റോടും ഇടിയോടും കൂടി വെള്ളിയാഴ്ച മുതൽ പെയ്ത മഴയില്‍, സലാലയിലെ ധാക്ക, മിര്‍ബാത്, റായ്‌സൂത് സാധാ എന്നിവടങ്ങളിലെ താഴ്ന്ന പ്രദേശങ്ങൾ വെള്ളത്തിനടിയിലായി. അടുത്ത 24 മണിക്കൂറിനുള്ളിൽ ദോഫാർ അൽ വുസ്ത മേഖലയിലേക്ക് അടുക്കുന്ന ന്യൂനമർദം കാരണം ശക്തമായ കാറ്റോടു കൂടിയ കനത്ത മഴ ഞാറാഴ്ച രാത്രി വരെ തുടരുമെന്ന് ഒമാൻ പബ്ലിക് അതോറിറ്റി ഫോർ സിവിൽ എവിയേഷൻ അറിയിച്ചു. ജനങ്ങൾ ജാഗ്രത പാലിക്കണമെന്ന് റോയൽ ഒമാൻ പോലീസ് ആവശ്യപ്പെട്ടു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
