July 16, 2020
July 16, 2020
തിരുവനന്തപുരം : യു.എ.ഇ അറ്റാഷെ റഷീദ് ഖാമീസ് അല് ഹഷ്മി ഇന്ത്യ വിട്ടു. തിരുവനന്തപുരം യു.എ.ഇ കോണ്സുലേറ്റിലെ അറ്റാഷെയാണ് യു.എ.ഇ യിലേക്ക് തിരിച്ചു പോയത്. രണ്ട് ദിവസം മുമ്പാണ് ഇയാള് ഡല്ഹിയില് നിന്നും യു.എ.ഇയിലേക്ക് കടന്നത്. ഇയാളുടെ സഹായം സ്വര്ണക്കടത്ത് പ്രതികള്ക്ക് കിട്ടിയിട്ടുണ്ട് എന്ന സംശയം ബലപ്പെടുന്നതിനിടെയാണ് അറ്റാഷെ യു.എ.ഇയിലേക്ക് കടന്നത്.യു.എ.ഇ യിൽ നടക്കുന്ന അന്വേഷണത്തിന്റെ ഭാഗമായി വിവരങ്ങൾ നൽകാനാണ് അറ്റാഷെ മടങ്ങിപ്പോയതെന്നാണ് വിവരം.ഇദ്ദേഹത്തെ ചോദ്യം ചെയ്യുന്നതിനുള്ള അനുമതിക്കായി എൻ.ഐ.എ കാത്തിരിക്കുന്നതിനിടെയാണ് മടക്കം. ഇദ്ദേഹത്തിന്റെ വിലാസത്തിലാണ് കേരളത്തിലേക്ക് സ്വർണമെത്തിയത്.
അതേസമയം,അറ്റാഷെ മടങ്ങിപ്പോയത് സംസ്ഥാനത്ത് നടക്കുന്ന അന്വേഷണങ്ങളെ പ്രതികൂലമായി ബാധിക്കുമെന്നാണ് സൂചന. കേന്ദ്ര വിദേശകാര്യ മന്ത്രാലയത്തിന്റെ അറിവോടെയാണ് അറ്റാഷെ യു.എ.എയിലേക്ക് മടങ്ങിയതെന്നാണ് റിപ്പോർട്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക