October 02, 2021
October 02, 2021
അബുദാബി: യുഎഇയില്‍ എയര്‍ ആംബുലന്‍സ് തകര്‍ന്ന് നാലു പേര്‍ മരിച്ചു. ഡോക്ടറും നഴ്‌സും ഉള്‍പ്പെടെയുള്ളവരാണ് മരിച്ചത്. അബുദാബി പോലീസാണ് ഇക്കാര്യം അറിയിച്ചത്. ഡ്യൂട്ടിക്കിടെയാണ് എയര്‍ അംബുലന്‍സ് തകര്‍ന്നു വീണത്. രണ്ടു പൈലറ്റുമാരും അപകടത്തില്‍ മരിച്ചു.
പൈലറ്റ് ട്രെയിനര്‍ ഖമീസ് സഈദ അല്‍ ഹോളി, ലഫ്റ്റനന്റ് പൈലറ്റ് നാസര്‍ മുഹമ്മദ് അല്‍ റാഷിദി, വിമാനത്തില്‍ ഡ്യൂട്ടിയിലുണ്ടായിരുന്ന ഡോക്ടര്‍ ഷഹിദ് ഫറൂഖ് ഘോലം, നഴ്സ് ജോയല്‍ ക്വിയി സകാര മിന്റോ തുടങ്ങിയവരാണ് മരിച്ചത്.
വിമാനാപകടത്തില്‍ മരണപ്പെട്ടവര്‍ക്ക് അബുദാബി പോലീസ് അനുശോചനം അറിയിച്ചു. പൈലറ്റുമാരുടെയും മെഡിക്കല്‍ ടീമംഗങ്ങളുടെയും മരണത്തില്‍ അഗാധമായ ദു:ഖമുണ്ടെന്നും ആദരാഞ്ജലികള്‍ അര്‍പ്പിക്കുന്നതായും അബുദാബി പോലീസ് ട്വീറ്റ് ചെയ്തു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ ഗൂഗ്ൾ പ്ളേ/ ആപ്പിൾ സ്റ്റോറിൽ നിന്ന് newsroom connect App ഡൗൺലോഡ് ചെയ്യുക.
