January 25, 2022
January 25, 2022
മസ്കത്ത് : ഒമാനിലെ പ്രാദേശിക ഫുട്ബോൾ ക്ലബ്ബ് താരം കുഴഞ്ഞുവീണു മരിച്ചു. അൽറുസ്താഖ് ഡിസ്ട്രിക്റ്റിലെ ജമാ അൽ അഹ്‍ലി ക്ലബ്ബിന്റെ താരമായിരുന്ന മുൻദിർ ബിൻ അലി അൽഹറാസിയാണ് മൈതാനമധ്യത്തിൽ കുഴഞ്ഞുവീണു മരിച്ചത്. ഉടനടി ചികിത്സ നൽകിയെങ്കിലും താരത്തിന്റെ ജീവൻ രക്ഷിക്കാൻ കഴിഞ്ഞില്ല. ഹൃദയാഘാതമാണ് മരണകാരണമെന്ന് ഡോക്ടർമാർ അറിയിച്ചു.
ജമാ അൽ അഹ്‍ലി, അൽ റുസ്താഖ് ക്ലബ്ബുകൾക്കായി ബൂട്ടണിഞ്ഞ മുൻ താരം അലി ബിൻ സയീദ് അൽഹറാസിയുടെ മകനാണ് മുൻദിർ. ഒരു മാസത്തിനിടെ ഇത് രണ്ടാം തവണയാണ് ഒമാനിൽ ഫുട്‍ബോളർ കളിക്കിടെ മരണപ്പെടുന്നത്. ഇക്കഴിഞ്ഞ ഡിസംബറിൽ മസ്കത്ത് ക്ലബ്ബ് താരം മുഖല്ലദ് അൽ റഖാദി മത്സരത്തിന് തൊട്ടുമുൻപുള്ള വ്യായാമം ചെയ്യവേ മരണമടഞ്ഞിരുന്നു.
