March 11, 2022
March 11, 2022
നജ്റാൻ : ഉറ്റ സുഹൃത്തുക്കളായ പ്രവാസികൾ മണിക്കൂറുകളുടെ മാത്രം വ്യത്യാസത്തിൽ മരണപ്പെട്ടതിന്റെ വേദനയിലാണ് നജ്റാനിലെ പ്രവാസി സമൂഹം. പാണ്ടിക്കാട് മാരട്ടപ്പടി സ്വദേശി മഞ്ഞക്കണ്ടൻ അബ്ദുൾ കരീമും (60), വണ്ടൂർ വാണിയമ്പലം സ്വദേശി ടി.എം.എസ് അബ്ദുൾ ലത്തീഫുമാണ് (58) മരണമടഞ്ഞത്.
മുപ്പത് വർഷക്കാലത്തോളം പ്രവാസലോകത്ത് കൂട്ടുകാരായിരുന്ന ഇരുവരും, നാട്ടിൽ വെച്ചാണ് മരണമടഞ്ഞത്. ഒരാഴ്ച്ച മുൻപ് നാട്ടിലെത്തിയ അബ്ദുൾ ലത്തീഫ്, ഹൃദയാഘാതം മൂലമാണ് മരിച്ചത്. ക്ഷയരോഗബാധിതനായതിനെ തുടർന്ന് രണ്ട് വർഷം മുൻപാണ് പ്രവാസം മതിയാക്കി കരീം നാട്ടിലെത്തിയത്. നസീറയാണ് അബ്ദുൾ കരീമിന്റെ ഭാര്യ, മൂന്ന് മക്കളുണ്ട്. ഫാത്തിമ സുഹ്റയാണ് ലത്തീഫിന്റെ ഭാര്യ, രണ്ട് മക്കളുണ്ട്.