April 03, 2022
April 03, 2022
റിയാദ് : പരിശുദ്ധ റമദാൻ പ്രമാണിച്ച് മദീനയിലെ പുണ്യ പള്ളികൾ സന്ദർശിക്കാൻ മദീനയിലെത്തിയ കൊല്ലം സ്വദേശി നിര്യാതനായി. കൊട്ടാരക്കരയിലെ ഇളമാട് പെരുവന്തോട് സ്വദേശിയായ റീന മൻസിൽ നജീം ആണ് മരണമടഞ്ഞത്. 40 വയസായിരുന്നു. ഹൃദയാഘാതമാണ് മരണകാരണം.
കഴിഞ്ഞ ആറുവർഷമായി സൗദിയിലുള്ള നജീം, ദക്ഷിണസൗദിയിലെ ബീഷയിലാണ് ജോലി ചെയ്തിരുന്നത്. മദീനയിലുള്ള സുഹൃത്തിന്റെ കൂടി മുറിയിൽ കഴിയുന്നതിനിടെ ആണ് മരണം. നടപടിക്രമങ്ങൾ പൂർത്തിയാക്കിയതിന് ശേഷം, മൃതദേഹം മദീനയിൽ തന്നെ ഖബറടക്കുമെന്ന് ബന്ധുക്കൾ അറിയിച്ചു.
