February 22, 2022
February 22, 2022
ദുബായ് : ഇന്ത്യയിൽ നിന്നും വാക്സിൻ സ്വീകരിച്ച വ്യക്തികൾ ഷാർജ, ദുബായ് എന്നീ എമിറേറ്റുകളിൽ നിന്നും ഇന്ത്യയിലേക്ക് മടങ്ങുമ്പോൾ ആർടിപീസീആർ പരിശോധന നടത്തേണ്ടതില്ലെന്ന് ഇന്ത്യൻ ആഭ്യന്തര മന്ത്രാലയം വ്യക്തമാക്കി. എയർ ഇന്ത്യ എക്സ്പ്രസ്സ് പുറത്തിറക്കിയ പത്രക്കുറിപ്പിലാണ് ഈ ഇളവ് വിശദമാക്കിയത്. ഏറെ വൈകാതെ മറ്റ് എമിറേറ്റുകളിലും ഈ ഇളവ് ലഭിക്കുമെന്നാണ് സൂചന.
ഇന്ത്യയിലേക്ക് യാത്ര ചെയ്യാൻ ഉദ്ദേശിക്കുന്നവർ, എയർ സുവിധ പോർട്ടലിലൂടെ യാത്രക്ക് മുൻപ് തന്നെ വാക്സിനേഷൻ വിവരങ്ങൾ അപ്‌ലോഡ് ചെയ്യണം. യാത്രക്ക് മുൻപുള്ള 14 ദിവസങ്ങളിലെ യാത്രാ വിവരങ്ങളും സുവിധയിൽ അപ്‌ലോഡ് ചെയ്യണം. വാക്സിൻ സ്വീകരിച്ചത് യു.എ.ഇ. യിൽ വെച്ചാണെങ്കിൽ 72 മണിക്കൂർ മുൻപെങ്കിലും എടുത്ത പീസീആർ പരിശോധനയുടെ ഫലം ഹാജരാക്കുകയും വേണം.
