March 01, 2022
March 01, 2022
ദുബായ് : എക്സ്പോ 2020 പവലിയനുകളുടെ പ്രവർത്തനസമയം ദീർഘിപ്പിച്ചതായി സംഘാടകർ അറിയിച്ചു. ഇനി മുതൽ രാത്രി 11 മണിവരെയാണ് എക്സ്പോയിലെ പവലിയനുകൾ തുറന്ന് പ്രവർത്തിക്കുക. നേരത്തെ 10 മണിക്കായിരുന്നു എക്സ്പോ അവസാനിക്കുക. ഇതോടെ, ഒരു മണിക്കൂർ സമയം കൂടി എക്സ്പോയിൽ ചെലവഴിക്കാൻ സന്ദർശകർക്ക് അവസരം ലഭിക്കും.
എക്സ്പോ അവസാനിക്കാൻ കേവലം 30 നാളുകൾ മാത്രം ബാക്കി നിൽക്കെ, വലിയ തിരക്കാണ് പവലിയനുകളിൽ അനുഭവപ്പെടുന്നത്. ഫെബ്രുവരി മാസത്തിൽ മാത്രം 44 ലക്ഷം ആളുകളാണ് എക്സ്പോ വേദിയിലേക്ക് ഒഴുകിയെത്തിയത്. എക്സ്പോയിൽ പ്രത്യേകമായി അവതരിപ്പിച്ച മഞ്ഞ പാസ്‌പോർട്ടിൽ കൂടുതൽ പവലിയനുകളിൽ സന്ദർശിച്ചതായി രേഖപ്പെടുത്താൻ വേണ്ടി, ഒരേ ആളുകൾ വീണ്ടും വീണ്ടും എക്സ്പോയിൽ എത്തുന്നതായി സംഘാടകർ അറിയിച്ചു. ഇന്നലെ വരെയുള്ള കണക്കുകൾ പ്രകാരം 16 ദശലക്ഷം ആളുകളാണ് എക്സ്പോ കാണാൻ ഇതുവരെ എത്തിയത്.
