February 06, 2022
February 06, 2022
റിയാദ് : വ്യക്തിഗത സ്പോൺസർമാർക്ക് കീഴിൽ ജോലി ചെയ്യുന്ന ഹൗസ് ഡ്രൈവർമാർക്ക്, തങ്ങളുടെ സ്പോൺസർഷിപ്പ് സ്വകാര്യ കമ്പനിയുടെയോ സ്ഥാപനങ്ങളുടെയോ പേരിലേക്ക് മാറ്റാൻ സാധിക്കുമെന്ന് മാനവശേഷി, സാമൂഹിക വികസന മന്ത്രാലയം അറിയിച്ചു. ഉപഭോക്താക്കളിൽ ഒരാളുടെ സംശയത്തിന് മറുപടി നൽകവെ ആണ് മന്ത്രാലയം ഇക്കാര്യം വ്യക്തമാക്കിയത്. സ്പോൺസർഷിപ്പ് മാറ്റത്തിന് ആവശ്യമായ ഫീസ് പുതിയ തൊഴിലുടമയാണ് വഹിക്കേണ്ടത്.
ഹൗസ് ഡ്രൈവർമാരുടെയും മറ്റ് ഗാർഹിക തൊഴിലാളികളുടെയും സ്പോൺസർഷിപ്പുകൾ മാറാൻ മന്ത്രാലയം മുൻപും അവസരമൊരുക്കിയിരുന്നു. സ്ഥാപനങ്ങളുടെ ഉടമസ്ഥാവകാശം കൈമാറ്റം ചെയ്യപ്പെടുകയോ, ലയിപ്പിക്കുകയോ ചെയ്താലും, തൊഴിലാളികളുടെ കരാറുകൾ നിലനിൽക്കുമെന്നും മന്ത്രാലയം കൂട്ടിച്ചേർത്തു. തൊഴിൽ നിയമത്തിലെ 18ആം വകുപ്പ് പ്രകാരം ഇവർക്ക് സേവനതുടർച്ച ലഭിക്കുകയും ചെയ്യും.
