December 19, 2020
December 19, 2020
ദമ്മാം : സൗദിയിലെ ദമ്മാമിൽ കഴിഞ്ഞ ദിവസം അഴുകിയ നിലയിൽ കാണപ്പെട്ട മൃതദേഹം മലയാളിയുടേതാണെന്ന് തിരിച്ചറിഞ്ഞു.പുനലൂർ സ്വദേശി ഷിജിന മൻസിലിൽ നവാസ് ജമാൽ(48) ആണ് മരിച്ചതെന്ന് സ്ഥിരീകരിച്ചു.മരിച്ചയാളിന്റെ ഇഖാമയിൽ നിന്ന് ഇന്ത്യക്കാരനാണെന്ന് മനസിലാക്കിയ പോലീസ് സാമൂഹ്യ പ്രവർത്തകൻ നാസ് വക്കത്തെ ബന്ധപ്പെട്ട് നടത്തിയ അന്വേഷണത്തിലാണ് മരിച്ചത് നവാസ് ജമാൽ ആണെന്ന് തിരിച്ചറിഞ്ഞത്.പേരിലെ സാമ്യത വെച്ച് ഇന്ത്യക്കാരനാണെന്ന് സംശയം തോന്നിയ പോലീസ് നാസിനെ ബന്ധപ്പെടുകയായിരുന്നു. തുടർന്ന് നാസ് വക്കം ഇന്ത്യൻ എമ്പസിയുമായി ബന്ധപ്പെടുകയും പാസ്പോർട്ടിലെ വിവരങ്ങൾ വെച്ച് നാട്ടിൽ അന്വേഷണം നടത്തുകയുമായിരുന്നു.
ചാരുവിള വീട്,കാഞ്ഞിരം മല,പുനലൂർ എന്ന വിലാസമാണ് പാസ്പോർട്ടിലുള്ളത്.ഹൗസ് ഡ്രൈവറായിരുന്ന ഇദ്ദേഹത്തെ നേരത്തെ സ്പോൺസർ ഹുറൂബാ(സ്പോൺസറിൽ നിന്നും ചാടിപ്പോയ ആൾ) ക്കിയിരുന്നു.
ഷീജയാണ് ഭാര്യ.മക്കൾ : ഷിജിന,ഷഹാന. രണ്ടു മാസം മുമ്പാണ് ദമ്മാമിൽ വെച്ച് മൂത്ത മകളുടെ വിവാഹ നിശ്ചയം നടത്തിയത്.താമസ സ്ഥലത്താണ് അഴുകിയ നിലയിൽ മൃതദേഹം കണ്ടെത്തിയത്.നടപടി ക്രമങ്ങൾ പൂർത്തിയാക്കി വീട്ടുകാരുടെ സമ്മത പ്രകാരം മൃതദേഹം സൗദിയിൽ തന്നെ സംസ്കരിക്കുമെന്ന് നാസ് വക്കം അറിയിച്ചു.
TELEGRAM
FACEBOOK PAGE
https://www.facebook.com/newsroomme
