January 21, 2020
January 21, 2020
മസ്കത്ത് : ഒമാനിലെ ഇബ്രിയിൽ റസ്റ്റോറന്റിലെ ഗ്യാസ് സിലിണ്ടര്‍ പൊട്ടിത്തെറിച്ച്‌ ഒരാള്‍ മരിച്ചു. അപകടത്തില്‍ ഗുരുതരമായി പരിക്കേറ്റ മറ്റൊരാളെ ആശുപത്രിയില്‍ പ്രവേശിപ്പിച്ചു. ഇബ്രിയിലെ ഒരു റസ്റ്റോറന്റിലായിരുന്നു അപകടമെന്ന് പബ്ലിക് അതോരിറ്റി ഫോര്‍ സിവില്‍ ഡിഫന്‍സ് ആന്റ് ആംബുലന്‍സ് (പിഎസിഡിഎ) അറിയിച്ചു.
സ്‌ഫോടനത്തില്‍ റസ്‌റ്റോറന്റ് പൂര്‍ണമായും തകര്‍ന്നു. ഗ്യാസ് സിലിണ്ടറുകള്‍ ഉപയോഗിക്കുമ്പോഴും സൂക്ഷിക്കുമ്പോഴും അധികൃതര്‍ നല്‍കുന്ന സുരക്ഷാ മാനദണ്ഡങ്ങൾ പാലിക്കണമെന്ന് സിവില്‍ ഡിഫന്‍സ് അധികൃതര്‍ മുന്നറിയിപ്പ് നല്‍കി.
