March 11, 2022
March 11, 2022
ജിദ്ദ : സൗദിയിലെ ഇന്ത്യൻ സ്കൂളിൽ ഇനി ആൺകുട്ടികൾക്കും പെൺകുട്ടികൾക്കും ഒരേ ക്ലാസ്മുറിയിൽ ഒന്നിച്ചിരുന്ന് പഠിക്കാം. ലിംഗസമത്വം നടപ്പിലാക്കുന്നതിന്റെ ഭാഗമായാണ് പുതിയ നീക്കമെന്ന് ജിദ്ദയിലെ ഇന്ത്യൻ എംബസി സർക്കുലറിലൂടെ അറിയിച്ചു. 2022-23 അധ്യയനവർഷം മുതലാണ് ഈ മാറ്റം. ആദ്യഘട്ടത്തിൽ ഒന്നാം ക്ലാസ് മുതൽ അഞ്ചാം ക്ലാസുവരെയാണ് കോ എഡ്യൂക്കേഷൻ നടപ്പിലാക്കുന്നത്.
ജിദ്ദ ഇന്റർനാഷണൽ ഇന്ത്യൻ സ്കൂൾ തന്നെയാണ് ഈ ആശയം മുന്നോട്ടുവെച്ചത്. വിദ്യാർത്ഥികൾക്കിടയിൽ ലിംഗസമത്വം, പരസ്പര ബഹുമാനം എന്നിവയും, ഒപ്പം, വിദ്യാർത്ഥികൾക്ക് മത്സരാധിഷ്ഠിത പഠനസാഹചര്യം ഒരുക്കാനും കോ എഡ്യൂക്കേഷൻ വഴി സാധിക്കുമെന്നാണ് സ്കൂൾ അധികൃതരുടെ പ്രതീക്ഷ. ചെറിയ പ്രായത്തിൽ തന്നെ എതിർലിംഗത്തിലെ വിദ്യാർത്ഥിയെ ബഹുമാനിക്കാൻ കുട്ടികൾ ശീലിക്കുമെന്നതും കോ എഡ്യൂക്കേഷൻ സംവിധാനത്തിന്റെ ഗുണമാണെന്ന് ഇന്ത്യൻ സ്കൂൾ വിശദീകരിച്ചു.
