December 15, 2019
December 15, 2019
ഡൽഹി : പൗരത്വ നിയമത്തിനെതിരെ പ്രതിഷേധം തലസ്ഥാന നഗരിയിലേക്കും കത്തിപ്പടരുന്നു. ഡല്‍ഹി ജാമിയ നഗറില്‍ പ്രതിഷേധക്കാർ വാഹനങ്ങള്‍ അടിച്ച് തകര്‍ക്കുകയും മൂന്ന് ബസുകള്‍ കത്തിക്കുകയും ചെയ്തു.ജാമിയ മില്ലിയ കാമ്പസിലേക്ക് പോലീസ് വെടിവെച്ചു. ആയിരങ്ങൾ പങ്കെടുത്ത പ്രതിഷേധ മാർച്ചിന് നേരെ പൊലീസ് ലാത്തി വീശി. സംഘര്‍ഷത്തില്‍ മീഡിയവണ്‍ ക്യാമറാമാന്‍ മോനിഷ് മോഹന് പരിക്കേറ്റു.
ദക്ഷിണ ഡല്‍ഹിയുടെ ഭാഗമായ ജാമിഅ നഗറില്‍ സംഘർഷാവസ്ഥ നിലനിൽക്കുകയാണ്. കഴിഞ്ഞ ദിവസം മുതല്‍ ജാമിഅ മില്ലിയ സര്‍വകലാശാല കേന്ദ്രീകരിച്ച് ശക്തമായ പ്രതിഷേധം നടന്നു വരികയാണ്. എന്നാല്‍ പ്രതിഷേധം സംഘര്‍ഷത്തിലേക്ക് മാറിയതോടെ, സമരത്തില്‍ നിന്ന് വിട്ടു നില്‍ക്കുകയാണെന്ന് വിദ്യാര്‍ഥി പ്രിതിനിധികള്‍ അറിയിച്ചു. എന്നാല്‍ വാഹനങ്ങള്‍ കത്തിച്ചത് തങ്ങളല്ലെന്നും പൊലീസ് തന്നെയാണെന്നും വിദ്യാര്‍ഥികള്‍ അറിയിച്ചു. ഇതുമായി ബന്ധപ്പെട്ട ദൃശ്യങ്ങളും സാമൂഹ്യ മാധ്യമങ്ങളിലൂടെ പ്രചരിക്കുന്നുണ്ട്.
പൊലീസിന്റെ ലാത്തി ചാര്‍ജില്‍ നിരവധി പേര്‍ക്ക് പരിക്കേറ്റു. സ്ത്രീകളും വിദ്യാര്‍ഥിനികളും ഉള്‍പ്പടെയുള്ളവര്‍ക്ക് പൊലീസ് ആക്രമണത്തിൽ പരിക്കേറ്റു.
ഈ ഭാഗത്തേക്കുള്ള വാഹന ഗതാഗതം പൂര്‍ണ്ണമായും തടസ്സപ്പെട്ടു. അഗ്നിശമന വാഹനങ്ങള്‍ക്കുള്‍പ്പെടെ പ്രദേശത്ത് എത്തിച്ചേരാന്‍ സാധിച്ചിട്ടില്ല.
ഖത്തറിൽ നിന്നും ഗൾഫ് - അറബ് മേഖലയിൽ നിന്നുമുള്ള ഏറ്റവും പുതിയ വാർത്തകൾ മുടങ്ങാതെ ലഭിക്കാൻ ഇതുവരെ ഒരു ഗ്രൂപ്പിലും അംഗങ്ങളാവാത്തവർ +974 66200167 എന്ന വാട്സ് ആപ് നമ്പറിലേക്ക് സന്ദേശം അയക്കുക.
