December 08, 2021
December 08, 2021
ഊട്ടി : ഇന്ത്യൻ സംയുക്തസൈനികമേധാവി ബിപിൻ റാവത്തും കുടുംബവും സഞ്ചരിച്ച ഹെലികോപ്റ്റർ അപകടത്തിൽ പെട്ടു. മേധാവിയുടെ കുടുംബാംഗങ്ങളും, സൈനിക ഉഗ്യോഗസ്ഥരുമടക്കം പതിനാല് പേരാണ് ഹെലികോപ്റ്ററിൽ ഉണ്ടായിരുന്നത്. ലാൻഡിങ്ങിനിടെ ആണ് അപകടം ഉണ്ടായതെന്നും, നാല് പേരുടെ മരണം സ്ഥിരീകരിച്ചെന്നും പോലീസ് വൃത്തങ്ങൾ അറിയിച്ചു.
വെല്ലിങ്ടണിൽ നടക്കുന്ന പരിപാടിയിൽ പങ്കെടുക്കാനായി സുളൂരിൽ നിന്നും യാത്ര ചെയ്യുമ്പോഴാണ് അപകടമുണ്ടായത്. എൺപത് ശതമാനം പൊള്ളലേറ്റ നിലയിൽ ബിപിൻ റാവത്തിനെയും ഭാര്യയെയും ആശുപത്രിയിൽ പ്രവേശിപ്പിച്ചതായി റിപ്പോർട്ടുകളുണ്ട്. ബിപിൻ റാവത്തിന്റെ നില അതീവഗുരുതരമാണെന്നാണ് ആശുപത്രിയിൽ നിന്ന് ലഭിക്കുന്ന വിവരങ്ങൾ. സംഭവത്തിൽ വ്യോമസേന വിദഗ്ദ്ധ അന്വേഷണത്തിന് ഉത്തരവിട്ടിട്ടുണ്ട്.