May 04, 2020
May 04, 2020
മസ്കത്ത്: മസ്കത്തിലെ വിദേശതൊഴിലാളികൾ ധാരാളമായി താമസിക്കുന്ന വാദി അൽ കബീർ ഇൻഡസ്ട്രിയൽ ഏരിയയിൽ സമ്പൂർണ ലോക്ക്ഡൗൺ പ്രഖ്യാപിച്ചു. ജനസാന്ദ്രതയുള്ള മേഖലകളിൽ കൂടുതൽ നിയന്ത്രണങ്ങൾ ഏർപ്പെടുത്തി കൊറോണയെ പ്രതിരോധിക്കാനുള്ള ശ്രമത്തിന്റെ ഭാഗമായാണിതെന്ന് ആരോഗ്യമന്ത്രാലയം അറിയിച്ചു.
നിയന്ത്രണം ഇന്ന് മുതൽ പ്രാബല്യത്തിൽ വരും.ഇനിയൊരു അറിയിപ്പുണ്ടാകുന്നത് വരെ ഈ പ്രദേശങ്ങൾ അടച്ചിടും. റമദാൻ പ്രമാണിച്ച് ആളുകൾ ഒത്തുകൂടരുതെന്ന് നിർദ്ദേശിച്ച മന്ത്രാലയം മസ്ക്കത്തിലെ ലോക്ക്ഡൗൺ മെയ്‌ എട്ട് വരെ നീട്ടിയിരുന്നു.. അതേ സമയം റമളാൻ ആയതിനാൽ ചിലവ്യാപാരസ്ഥാപനങ്ങൾക്കും മണി എക്സ്ചേഞ്ചുകൾക്കും ഇളവ് അനുവദിച്ചിട്ടുണ്ട്.
ഒമാനില്‍ ഇന്ന് 69 പേര്‍ക്ക് കൂടി കോവിഡ് 19 സ്ഥിരീകരിച്ചു. ഇതോടെ രാജ്യത്തെ മൊത്തം കോവിഡ് ബാധിതരുടെ എണ്ണം 2637 ആയി. പുതുതായി രോഗം സ്ഥിരീകരിച്ചവരില്‍ 32 പേരാണ് വിദേശികള്‍. അസുഖം സുഖപ്പെട്ടവരുടെ എണ്ണം 750ല്‍ നിന്ന് 816 ആയി ഉയർന്നു. 1809 പേരാണ് ഇപ്പോള്‍ അസുഖബാധിതരായി ഉള്ളത്. മലയാളിയടക്കം മസ്കത്ത് ഗവര്‍ണറേറ്റില്‍ ചികിത്സയിലിരുന്ന 12 പേര് ഇതുവരെ മരണപ്പെട്ടിട്ടുണ്ട്.. പുതിയ രോഗികളില്‍ 44 പേരും മസ്കത്ത് ഗവര്‍ണറേറ്റില്‍ നിന്നുള്ളവരാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
