February 22, 2022
February 22, 2022
അബുദാബി : അൽ ഐൻ റോഡിൽ ബസ്സും മറ്റൊരു വാഹനവും കൂട്ടിയിടിച്ചുണ്ടായ അപകടത്തിൽ ഏഷ്യൻ വംശജരായ രണ്ടുപേർ മരണമടഞ്ഞതായി അബുദാബി പോലീസ് അറിയിച്ചു. 11 പേർക്ക് അപകടത്തിൽ പരിക്കേറ്റിട്ടുണ്ട്. ഇവരെ തവാം, ശൈഖ് ശഖ്ബൂത് മെഡിക്കൽ സിറ്റി എന്നീ ആശുപത്രികളിലായി പ്രവേശിപ്പിച്ചു.
അപകടത്തിൽ പെട്ട മുഴുവൻ ആളുകളും ഏഷ്യൻ വംശജരാണെന്ന് സ്ഥിരീകരിച്ചു. അതേസമയം, മരണപ്പെട്ടവരുടെ രാജ്യമടക്കമുള്ള വിവരങ്ങളിൽ വ്യക്തതയില്ല. വാഹനങ്ങൾക്കിടയിൽ മതിയായ അകലം പാലിക്കാഞ്ഞതും, അമിതവേഗതയുമാണ് അപകടത്തിന് കാരണമായതെന്ന് അൽ ഐൻ ട്രാഫിക് പോലീസ് അറിയിച്ചു.
