September 24, 2019
September 24, 2019
മസ്കത്ത്: ഒൻപതാമത് ഒമാന് ഹെല്ത്ത് എക്സിബിഷനും കോണ്ഫറന്സിനും കണ്വെന്ഷന് ആന്ഡ് എക്സിബിഷന് സെന്ററില് തുടക്കമായി.
ആരോഗ്യ മന്ത്രാലയത്തിലെ ഹെല്ത്ത് അഫയേഴ്സ് വിഭാഗം ഉപദേഷ്ടാവ് ഡോ. സുല്ത്താന് ബിന് യാറൂബ് അല് ബുസൈദിയാണ് ഉദ്ഘാടനം നിര്വഹിച്ചത്. മൂന്നുദിവസത്തെ പ്രദര്ശനവും സമ്മേളനവും ആരോഗ്യ മന്ത്രാലയത്തിന്റെ മേല്നോട്ടത്തില് ഒമാന് എക്സ്പോയാണ് പ്രദർശനം സംഘടിപ്പിക്കുന്നത്.
ഇന്ത്യയടക്കം 12 രാജ്യങ്ങളില്നിന്നുള്ള നൂറോളം ആശുപത്രികളും മെഡിക്കല് ഉല്പന്ന നിര്മാതാക്കളും വിതരണക്കാരുമടക്കമുള്ളവര് പ്രദര്ശനത്തില് സംബന്ധിക്കും. ഒമാനിലെയും ആഗോളതലത്തിലെയും ആരോഗ്യ മേഖലയിലെ വികസനങ്ങള് പ്രദര്ശനത്തിന്റെ ഭാഗമായുള്ള സമ്മേളനത്തില് ചര്ച്ച ചെയ്യും. മുപ്പതോളം പ്രഭാഷകരാണ് സമ്മേളനത്തില് സംസാരിക്കുക.