September 30, 2019
September 30, 2019
ദുബായ് : ദുബായിൽ ഇന്ന് രാവിലെയുണ്ടായ ബസ്സപകടത്തിൽ മരണപ്പെട്ട എട്ടു പേരിൽ ഏഴു പേരും ഇന്ത്യക്കാർ.മറ്റൊരാൾ പാക്കിസ്ഥാൻ സ്വദേശിയാണ്.
ശൈഖ് മുഹമ്മദ് ബിന്‍ സായിദ് റോഡില്‍ ഇന്ന് രാവിലെ 4.54 നാണ് മിനി ബസും ട്രക്കും കൂട്ടിയിടിച്ച് അപകടമുണ്ടായത്.ദുബായിൽ നിന്ന് ഷാര്‍ജയിലേക്ക് പോയ മിനി ബസ് മിര്‍ദിഫ് സിറ്റി സെന്ററിന് സമീപമാണ് അപകടത്തില്‍ പെട്ടത്.പതിമൂന്ന് യാത്രക്കാരാണ് ബസ്സിൽ ഉണ്ടായിരുന്നത്. അപകടത്തിൽ പരിക്കേറ്റ രണ്ടു പേരുടെ നില ഗുരുതരമാണ്.പരിക്കേറ്റ് ചികിത്സയിൽ കഴിയുന്നവരിൽ അഞ്ചു പേർ ഇന്ത്യക്കാരും ഒരാൾ ബംഗ്ളാദേശ് പൗരനുമാണ്. അപകടത്തെ തുടർന്ന് ദുബായ്-അബുദാബി റോഡിൽ രണ്ടു മണിക്കൂറോളം ഗതാഗത തടസ്സമുണ്ടായി.
