June 18, 2022
June 18, 2022
അബൂദബി നഗരത്തിലെ ബഹുനില കെട്ടിടത്തിലുണ്ടായ തീപിടിത്തത്തിൽ 19 പേർക്ക് പരിക്കേറ്റു. ഇന്നലെ ഉച്ചക്ക് ശേഷമാണ് അബുദാബി അൽ സാഹിയയിലെ 30 നില കെട്ടിടത്തിൽ തീപിടിത്തണ്ടായത്.അഗ്‌നിബാധയുടെ കാരണം വ്യക്തമായിട്ടില്ല.സ്ഥലത്തെത്തിയ സിവിൽ ഡിഫൻസും പൊലീസും കെട്ടിടത്തിലുണ്ടായിരുന്നവരെ ഒഴിപ്പിച്ചെങ്കിലും 19 പേർക്ക് അപകടത്തിൽ പരിക്കേറ്റതായി അബുദാബി പോലീസ് അറിയിച്ചു.ഇവരെ നഗരത്തിലെ വിവിധ ആശുപത്രികളിലേക്ക് മാറ്റിയിട്ടുണ്ട്.
അതേസമയം,ചിലരുടെ പരിക്ക് ഗുരുതരമാണെന്ന് പൊലീസ് അറിയിച്ചു.പരിക്കേറ്റവരുടെ പേരുവിവരങ്ങളും മറ്റ് വിശദാംശങ്ങളും ലഭ്യമായിട്ടില്ല. തീപിടിത്തത്തിന്റെ കാരണത്തെ കുറിച്ച് അന്വേഷണം പുരോഗമിക്കുകയാണെന്നും മറ്റ് ഊഹാപോഹങ്ങൾ പ്രചരിപ്പിക്കരുതെന്നും അബൂദബി പൊലീസ് അറിയിച്ചു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
