December 07, 2019
December 07, 2019
ഷാര്ജ: ഷാര്ജ നബയില് മലയാളി വിദ്യാര്ഥിനിയെ കെട്ടിടത്തില്നിന്നു വീണു മരിച്ച നിലയില് കണ്ടെത്തി. ഷാര്ജ ഔര് ഓണ് സ്കൂളിലെ പത്താംക്ലാസ് വിദ്യാര്ഥിനി നന്ദിത (15) യെയാണ് വെള്ളിയാഴ്ച രാത്രി 10 മണിയോടെ താമസിക്കുന്ന കെട്ടിടത്തിന്റെ പത്താംനിലയില് നിന്നും വീണു മരിച്ച നിലയില് കണ്ടെത്തിയത്.
ആത്മഹത്യയാണെന്നാണ് പ്രാഥമിക വിലയിരുത്തല്. സംഭവമറിഞ്ഞയുടന് ഷാര്ജ പോലീസും പാരാമെഡിക്കല് വിഭാഗവും സ്ഥലത്തെത്തിയിരുന്നു. ഉടന് കുവൈത്ത് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഷാര്ജ ഇത്തിസലാത്തിൽ എന്ജിനീയറായ എറണാകുളം സ്വദേശി മുരളിയുടേയും നിഷയുടേയും മകളാണ്. കുട്ടിയുടെ മരണവുമായി ബന്ധപ്പെട്ട് പോലീസ് അന്വേഷണം ആരംഭിച്ചിട്ടുണ്ട്. മൃതദേഹം പിന്നീട് ഫോറന്സിക് ലബോറട്ടറിയിലേക്ക് മാറ്റി. കുട്ടിയുടെ രക്ഷിതാക്കളെ അല് ഗര്ബ് പൊലീസ് കസ്റ്റഡിയിലെടുത്തിരിക്കുകയാണ്. മരണകാരണം കണ്ടെത്താനായി ഇവരെ ചോദ്യം ചെയ്തുവരികയാണ്.