June 15, 2023
June 15, 2023
ന്യൂസ്‌റൂം ബ്യുറോ
ദോഹ : മയക്കുമരുന്ന് ഉപയോഗിക്കുകയും വിൽപന നടത്തുകയും ചെയ്ത നാലു പേരെ അറസ്റ്റ് ചെയ്തതായി ഖത്തർ ആഭ്യന്തര മന്ത്രാലയം അറിയിച്ചു.പ്രതികളിൽ രണ്ടു പേർ സ്ത്രീകളാണ്.
ആഭ്യന്തര മന്ത്രാലയത്തിലെ ജനറൽ ഡയറക്ടറേറ്റ് ഓഫ് ഡ്രഗ് എൻഫോഴ്‌സ്‌മെന്റ് (എംഒഐ)ആണ് വിവിധതരം മയക്കുമരുന്ന് കടത്തിയതിനും ഉപയോഗിച്ചതിനും ഇവരെ അറസ്റ്റ് ചെയ്തത്.
പ്രോസിക്യൂഷനിൽ നിന്ന് അനുമതി വാങ്ങിയ ശേഷമാണ്,ഇവരുടെ വീടുകളിൽ പരിശോധന നടത്തിയതെന്നും റോളുകളിലും റാപ്പറുകളിലും ഒളിപ്പിച്ച നിലയിലാണ് വൻതോതിൽ മയക്കുമരുന്ന് കണ്ടെത്തിയതെന്നും ആഭ്യന്തര മന്ത്രാലയം ട്വിറ്ററിൽ അറിയിച്ചു.
13 കിലോഗ്രാം ഹാഷിഷും 350 ഗ്രാം ഷാബുവുമാണ് (മെത്താംഫെറ്റാമൈൻ) ഇവരിൽ നിന്ന് പിടിച്ചെടുത്തത്.ഇതിനുപുറമെ,മയക്കുമരുന്ന് ഇടപാടിലൂടെ നേടിയതെന്ന് കരുതുന്ന ഖത്തർ റിയാലുകളും വിദേശ കറൻസികളും ഇവരിൽ നിന്ന് പിടിച്ചെടുത്തിട്ടുണ്ട്.
ആവശ്യമായ നിയമനടപടികൾക്കായി പ്രതികളെ പബ്ലിക് പ്രോസിക്യൂഷന് കൈമാറിയിട്ടുണ്ട്.
ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/HHOGGyLPTMH45QRaxZQRyz
