September 13, 2021
September 13, 2021
തിരുവനന്തപുരം: തിരുവനന്തപുരം അന്താരാഷ്‌ട്ര വിമാനത്താവളത്തില്‍ എയര്‍ ഇന്ത്യ വിമാനം അടിയന്തിരമായി തിരിച്ചിറക്കി. സാങ്കേതിക തകരാറ് മൂലമാണ് വിമാനം നിമിഷങ്ങള്‍ക്കകം തിരിച്ചിറക്കിയത്.
ഇന്ന് പുലര്‍ച്ചെ 6.30 ന് ഷാര്‍ജയിലേക്ക് പുറപ്പെട്ട വിമാനമാണ് പറന്നുയര്‍ന്ന ഉടന്‍ അടിയന്തിരമായി തിരിച്ചിറക്കേണ്ടി വന്നത്. 170 യാത്രക്കാരാണ് എയര്‍ ഇന്ത്യ വിമാനത്തില്‍ ഉണ്ടായിരുന്നത്.
ഇവര്‍ ഇപ്പോള്‍ വിമാനത്താവളത്തില്‍ തന്നെയാണ് ഉള്ളത്. യാത്രക്കാര്‍ക്ക് ഷാര്‍ജയിലേക്ക് പോകാന്‍ സംവിധാനം ഒരുക്കുമെന്ന് എയര്‍ ഇന്ത്യ അധികൃതര്‍ വ്യക്തമാക്കി.
