May 29, 2024
May 29, 2024
ദുബായ് : മലപ്പുറം കരുവാരകുണ്ട് സ്വദേശി ഷാർജയില്‍ നിര്യാതനായി. ഹൃദയാഘാതത്തെ തുടർന്നായിരുന്നു അന്ത്യം.കരുവാരകുണ്ട് പാറമ്മല്‍ വീട്ടില്‍ മുഹമ്മദ് ഹസൻ (54) ആണ് മരിച്ചത്.
കഴിഞ്ഞ ദിവസം രാത്രി താമസസ്ഥലത്ത് വെച്ച്‌ നെഞ്ചുവേദന അനുഭവപ്പെട്ടതിനെ തുടർന്ന് ഷാർജ അല്‍ ഖാസിമി ആശുപത്രിയില്‍ എത്തിച്ചെങ്കിലും ബുധനാഴ്ച രാവിലെ എട്ടോടെ മരിക്കുകയായിരുന്നു.
അജ്മാനില്‍ എംപയർ അഡ്വർടൈസിങ് ആൻഡ് ഇന്‍റീരിയർ ഡിസൈൻ എന്ന സ്ഥാപനം നടത്തിവരികയായിരുന്നു. മൃതദേഹം അല്‍ ഖാസിമി ആശുപത്രിയില്‍ സൂക്ഷിച്ചിരിക്കുകയാണ്. നാട്ടിലെത്തിക്കാനുള്ള നടപടികള്‍ പൂർത്തീകരിച്ച്‌ വരുന്നതായി 'ഹംപാസ്' പ്രവർത്തകർ അറിയിച്ചു.
പാറമ്മല്‍ ഹംസയാണ് മുഹമ്മദ് ഹസന്റെ പിതാവ്. മാതാവ്: ആമിന. ഭാര്യ: സൗദ തൊട്ടിപ്പറമ്പൻ.
