September 17, 2019
September 17, 2019
കുവൈത്ത് സിറ്റി : കുവൈത്തിലെ കിംഗ് അബ്ദുൽ അസീസ് അല്‍ സഊദ് റോഡിൽ മൂന്നു വാഹനങ്ങള്‍ കൂട്ടിയിടിച്ചുണ്ടായ തീപിടുത്തത്തിൽ മൂന്നു പേര്‍ പൊള്ളലേറ്റു മരിച്ചു. വാഹനങ്ങള്‍ പരസ്പരം കൂട്ടിയിടിച്ചതിനെ തുടര്‍ന്നുണ്ടായ അഗ്നിബാധയിൽ മൂന്നു വാഹനങ്ങളും പൂര്‍ണമായും കത്തിനശിച്ചു.ഫഹാഹീലില്‍ നിന്നു അഗ്നിശമന സേന സ്ഥലത്തെത്തിയാണ് തീ നിയന്ത്രണവിധേയമാക്കിയത്.
നിരവധി വ്യാപാര സ്ഥാപനങ്ങളുള്ള പ്രദേശത്ത് പെട്ടെന്ന് തീയണക്കാൻ കഴിഞ്ഞതിനാൽ സമീപത്തെ സ്ഥാപനങ്ങളിലേക്ക് തീ പടരുന്നത് ഒഴിവായി.മരിച്ചവരില്‍ രണ്ടുപേര്‍ ഒരു വാഹനത്തിലുള്ളവരും മൂന്നാമത്തെയാള്‍ രണ്ടാമത്തെ വാഹനത്തിലുള്ള ആളുമാണെന്ന് സുരക്ഷ സംഘം അറിയിച്ചു.
