June 11, 2022
June 11, 2022
ദോഹ : ജൂൺ 12 ഞായറാഴ്ച മുതൽ ദോഹ കോർണിഷിൽ ഭാഗികമായി ഗതാഗത നിയന്ത്രണം ഏർപ്പെടുത്തുമെന്ന് പൊതുമരാമത്ത് വിഭാഗമായ അഷ്‌ഗാൽ അറിയിച്ചു. ഇസ്ലാമിക് മ്യൂസിയം ഇന്റർചേഞ്ചിൽ നിന്ന് വലത് ഭാഗത്തേക്ക് ജബർ ബിൻ മുഹമ്മദ് സ്ട്രീറ്റിലേക്കുള്ള പാതയാണ് താൽകാലികമായി അടക്കുന്നത്.ഒരു മാസത്തേക്കായിരിക്കും ഗതാഗത നിയന്ത്രണം.
ജാബിർ ബിൻ മുഹമ്മദ് സ്ട്രീറ്റിലേക്ക് പോകുന്ന വാഹന യാത്രക്കാർ അലി ബിൻ അമുർ അത്തിയ സ്ട്രീറ്റിലേക്ക് തിരിഞ്ഞു അൽ മ്യൂസിയം സ്ട്രീറ്റ് വഴി ലക്ഷ്യസ്ഥാനത്തേക്ക് പോകണമെന്നും അഷ്‌ഗാൽ നിർദ്ദേശിച്ചു.
ഇതിനിടെ,ശക്തമായ കാറ്റിൽ കോർണിഷിലെ ബാരിക്കേഡുകൾ തകർന്ന് റോഡിലേക്ക് വീഴുന്നതിനാൽ വാഹനങ്ങൾ അപകടത്തിൽപ്പെടുന്നതായി നിരവധി യാത്രക്കാർ പരാതിപ്പെട്ടതായും അഷ്‌ഗാൽ അറിയിച്ചു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
