May 26, 2021
May 26, 2021
ദോഹ : ഖത്തറിലെ 'ദി പെനിൻസുല' ഇംഗ്ലീഷ് ദിനപത്രത്തിന്റെ മുൻ സബ് എഡിറ്ററും ഗൾഫിലെ മുതിർന്ന മലയാളി പത്രപ്രവർത്തകനുമായ സന്തോഷ് കുമാർ (55) ദുബായിൽ കോവിഡ് -19 ബാധിച്ച് മരണപ്പെട്ടു.നിലവിൽ ദുബായിലെ ഗൾഫ് ന്യൂസിൽ അസിസ്റ്റന്റ് എഡിറ്ററായി ജോലി ചെയ്തുവരികയായിരുന്നു.തിരുവനന്തപുരം പട്ടം ആദര്‍ശ് നഗര്‍ പദ്മ വിലാസത്തില്‍ സന്തോഷ് കുമാര്‍ (55) ദുബൈയില്‍ നിര്യാതനായി.
ഒരു മാസത്തിലേറെയായി ദുബായിലെ ആസ്റ്റർ ആശുപത്രിയിൽ കോവിഡ് -19 ബാധിച്ച് ചികിത്സയിലായിരുന്നു. കോവിഡിൽ നിന്ന് സുഖം പ്രാപിച്ചെങ്കിലും കോവിഡ് മൂലമുണ്ടായ കരൾ രോഗം കാരണമാണ് മരണം സംഭവിച്ചത്. ഇന്നലെ രാത്രി ആരോഗ്യനില വഷളായതിനെത്തുടർന്ന് ബുധനാഴ്ച രാവിലെയാണ് മരണം സംഭവിച്ചതെന്ന് സുഹൃത്തുക്കൾ അറിയിച്ചു.
1996 ൽ ഖത്തറിൽ പെനിൻസുല പത്രം ആരംഭിച്ചപ്പോൾ മുതൽ 2001 വരെ ജോലി ചെയ്തു. പിന്നീട് ഗൾഫ് ന്യൂസിൽ ചേർന്ന അദ്ദേഹം അസിസ്റ്റന്റ് എഡിറ്റർ ആയി.20 വര്‍ഷമായി ഗള്‍ഫ് ന്യൂസിലുണ്ട്. ഖത്തറിലെ ദ പെനിന്‍സുല, ഇന്ത്യയില്‍ ഡെക്കാന്‍ ഹെറാള്‍ഡ്, ഇക്കണോമിക് ടൈംസ് എന്നീ പത്രങ്ങളിലും ജോലി ചെയ്തിരുന്നു. പിതാവ്: പരേതനായ കെ. സുന്ദരേശ്വരന്‍ നായര്‍. മാതാവ്: ടി. പദ്മ കുമാരി. ഭാര്യ: മായാ മേരി തോമസ് (ദുബൈ). മക്കള്‍: ശ്രുതി, പല്ലവി. സഹോദരങ്ങള്‍. എസ്. വിനോദ് കുമാര്‍ (സൗദി), ആര്‍ രജനി. സംസ്കാരം ജബല്‍ അലിയില്‍.
ഭാര്യ: മായ മേരി തോമസ്, മക്കൾ: ശ്രുതി, പല്ലവി.
കോവിഡ് -19 പ്രോട്ടോക്കോളുകൾ പ്രകാരം ശവസംസ്‌കാരം (ഇന്ന്) വ്യാഴാഴ്ച ദുബായിൽ നടക്കും.
